أفاق تونس : حتى شيء ما يمنع التونسيين باش يجرّبوا النهضة في المعارضة



باب نات - أكّدت زينب التركي الناطقة الرسمية باسم حزب آفاق تونس أمس 9 جانفي 2019 لدى حضورها ببرنامج كلوب إكسبراس أنّ الحزب جدّد هياكله استعدادا للانتخابات القادمة، حيث قرّر أن يدخل إلى الانتخابات التشريعية بقائماته الخاصة دون عقد شراكات.. قائلة: "لدينا ما يكفي من الموارد البشرية داخل الحزب".

واعتبرت التركي أنّ آفاق تونس هو المشروع الوحيد الذي يتبنى المشروع الليبرالي الاجتماعي في تونس قائلة: "هناك تيار ليبرالي الآن في تونس لديه التجربة، وأصبح لدينا 200 مستشار بلدي.. وانتشر الحزب أكثر مما كان عليه في 2011 و2014 ونحنا منحبوش نكونوا في المرتبة الأولى في الانتخابات لكن هدفنا أن نطلعوا من 3 بالمئة ل7 بالمئة.."


وقالت التركي إنّ القرار الأول الذي اتخذه آفاق تونس هو: "معادش ندخلو في شراكة مع حركة النهضة.. لأننا دخلنا معاها في 2015 ولقينا رواحنا في كل محطة متاع إصلاح اقتصادي فما مقايضة.. وأيضا منجموش ندخلو للحكومة من غير وثيقة حكم، البرنامج الشامل للحكومة منجموش نمشيو فيه.."

وأضافت زينب التركي أنّ النهضة يمكن أن تكون في المعارضة بعد 2019 "غدوة حتى شي ما يمنع نجربوا حركة النهضة في المعارضة باش نشوفوا هل هي مستعدة للتداول السلمي على السلطة" مشدّدة على كون صناديق الاقتراع ستفرز إما الاحزاب "اللي تشبهلنا باش نكوّنوا كتلة سياسية تتلم على برنامج حكم واحد، وكان منجمناش نقنعوهم مناش باش نحكموا مع النهضة".

Commentaires


6 de 6 commentaires pour l'article 174753

Jeb2013ri  (Tunisia)  |Jeudi 10 Janvier 2019 à 15h 44m |           
أغلبية و نحطوها في المعارضة ,ملا بهامة!!!!!!!!!!!!!!!!

MedTunisie  (Tunisia)  |Jeudi 10 Janvier 2019 à 14h 44m |           
لقد جربنا اليسار و العلمانية و المتفرنسيين لقرون لم يجلبوا لا الاستعمار و الدكتاتورية و الفساد و الخراب

Mongi  (Tunisia)  |Jeudi 10 Janvier 2019 à 12h 37m |           
ما كفاكمش أنّ النهضة ظلّت في المعارضة لمدة 40 سنة. تحبّوا تزيدوا تعملولها تمديد.
يعني 40 سنة سجون ومنافي. ومكانها الطبيعي هي المعارضة بعد أن تم إغلاق السجون(برأيهم)

AlHawa  (Germany)  |Jeudi 10 Janvier 2019 à 12h 14m |           
الجملة هاذي ماهاش منطقية، لأنوا المنافس من الطبيعي الي يحب روحو في الحكم و المنافس في المعارضة! كيما من الطبيعي اذا الحكم بدون النهضة يعني أزمة و حكومة أقليات أو لا يكتمل النصاب لكي تمر الحكومة! وقتها ثما خياران لا ثالث لهما، إما تعلن عن فشلك في تشكيل حكومة و تسلم المقود للنهضة و تصبح أنت في المعارضة أو تدخل في إئتلاف مع النهضة و تكون حكومة مرتاحة و تستطيع أن تعمل! و أعترف هناك حليّل ثالث ربما يحدث و هو إئتلاف بين ثلاثة أو أربعة أحزاب و الجميع
يعلم ماذا يمكن أن يحدث

Aziz75  (France)  |Jeudi 10 Janvier 2019 à 12h 11m |           
النهضة علمت التداول السلمي على الحكم،لكن امثالكم ،غير م توب فيه من طرف الشعب،و خاصة فلسفته الإحصائية للآخر.لستم بديمقراطيين.

Kamelnet  (Tunisia)  |Jeudi 10 Janvier 2019 à 11h 59m |           
صحيح...اما زاد ما ثما شي يمنع التوانسة باش اجربوا النهضة في الحكم بنسبة 60الي 70٪ باش يحكمون عليها بصڤة واضحة😆😉