كارطة ، ticket ضَوء !

صورة توضيحية


بقلم / منجي باكير

جماعة دار الضوء مُصرّين على اقحام المواطن التونسي الغلبان الى باب التحضر التكنولوجي والبُكبُك الاعلامي قسرا ، حيث يُسوّق مسؤولو هذه الشركة الى برنامج اعتماد عددات ذكية مستقبلا ( تُحصي كل شيء ولا تفلّت شيء ) وبها تقطع عليك الستاغ الضوء عن بُعد ومن عقر دارها ولا تكلّف نفسها عناء التنقّل الى المواطن الكريم ...


ولتفعيل هذا الانجاز المعجزة الاعلامية والثورة التكنولوجية ستكون هناك كوارط كيف كوارط شركة الاتصالات يقتنيها السيد المواطن ويشري بيها كمية الضوء اللي باش يستهلكها لاحقا ،،، هذا ولا يُعرف ما اذا هي عندها sos كريدي كيف جماعة التاليفونات والا لا ؟

دار الضو باش تولي تُحصي وتعلم علم اليقين اجهزتك المنزلية الكهربائية ومعطيات أخرى لم يُفصَح عنها بعد ،،، ايضا الشركة يمكن تتحكم في كمية ونوعية الضوء في خالات معيّنة بحيث يمكن تعطل لك مكيّفا او غيره و طبيعي انها زادة تقطعه عن بُعد وغير ذلك من مظاهر (امتياز العيش الكريم ) للمواطن الغلبان ...

لكن السؤال هل انّ الكوارط متاع الضوء ستكون بالحدّ الكافي والا لا ؟ ايضا كيفية و اجهزة الاستخلاص هل ستغطي ربوع الوطن وفيافيه وصحاريه وجباله وقُراه أم لا ؟؟؟ وسؤال أخير هالكوارط متاع الضوء هل سيبيعها الحمّاصة ايضا ويوظفون عليها معلوما إضافيا !؟؟؟
الحاجة اللي تفرّح في الموضوع انّ هذا المشروع المعجزة لدار الضوء ما يبدى يددش على ساقيه كان بعد عامين والا ثلاثة ومن هنا الى ذاك الحين كثير من التغيرات والتغييرات والتحويرات يمكن تصير ...

Commentaires


2 de 2 commentaires pour l'article 214682

Weldtounes  (Tunisia)  |Lundi 09 Novembre 2020 à 14h 48m |           
سيبو عليكم من ها الريق البارد قالو كارطة متع ضو . المواطن مسكين . ممكن يقصولو الضو و هو خاص. مازلنا ما عندناش البنية التحتية و الارادة لادارة البلاد الكترونيا. هي الانترنات يلزمك تستنى بالشهؤين و الا ثلاثة باش التلكوم يتفكروك و يجيبولك اللينيا.
مهزلة قالو كرطة متع ضو
خلي الاعوان يخدموا بضمير و لا كارطة و لا سيدي زكري.

BenMoussa  (Tunisia)  |Lundi 09 Novembre 2020 à 10h 35m |           
اضافة لكل ما ذكر الكاتب فان المشروع يتكلف في مرحلته الاولى مليار دينار
لو احتسبنا خمسة في المائة عمولة فقط تعطي خمسين مليار مليم لاصحاب القرار ورؤسائهم ومسانديهم بالاضافة لما يناله الوسطاء والعملاء واللوبيات
كل هذا من اموال الدولة ومن الدخل اليومي لابناء الشعب من الاجراء والعمال وصغار التجار والصناعيين
اين رجال تونس الصادقين والثوار الاحرار لايقاف هذه المهازل وانقاذ الاقتصاد والحد من المديونية