نصرالدين السويلمي
"تأكدوا من حاجة، أنا ورئيس الحكومة متفقين في موضوع مقاومة الفساد، الناس الكل دون استثناء، وزيرة العدل عندها نفس التوجه وزير الداخلية عندو نفس التوجه". محمد عبو في برنامج 50/50 على قناة قرطاج+، 18 جوان 2020.
محمد عبو عندو اشكالية عويصة، يحب يحقق أشياء كبيرة بآفاق صغيرة، ما عندوش رؤية السياسي ، وحديثو اقرب للتقني الفني الجاف منو لرجل السياسة، والا كيفاش يتحدث على انو هو والفخفاخ متفاهمين ومعاهم زوز وزراء!!! أي والبقية، عسكر كردونة تبعثولهم الفاتورة يصححوا ويخلصوا!
الي يحب يتكلم باللغة الاحتكارية هذي، يلزمو يشمر على ذراعو ويجيب من 60% الى 90% من مقاعد البرلمان وبعد يقول راني انا وفلان قررنا!!! في حين السيد محمد عبو يعرف مليح الي هو وسي فلان وزوز فلانات اخرين، عندهم مجموعين 21 مقعد من مقاعد البرلمان، من جملة 217!!!!!!!!!
علاش قلنا محمد عبو تاعب سياسيا، لانو القيام بعملية التفافية في ظهر النتائج، وتفكيك الصريح الدستوري والذهاب الى البريكولاج الدستوري، ومن بعد تزيد تم عملية ثنائية "عبو- فخفاخ" تبتدع منصب وزير أول او ما يقاربه لنصبح أمام رئيس حكومة ووزير أول، ثم وقت لتمر التوليفة من الخرم ويتم تقنينها باللصاق والبزاق والغيرة والسكوتش.. يعتقد أصحابها أنهم بفضل الفهلوة والشطارة والتكنبيص من خارج لغة الصناديق قادرين على تقنين التغول ومن ثم فرض هيبة التغول وتجاهل هيبة الصناديق وبالتالي تجاهل الديمقراطية في تضاريسها الكبرى والاكتفاء بالتعويل على البريكولاج والتحايل الديمقراطي!
انت كي قدر ربي وعملت لعبة في ظهر النتائج، وقننت روحك بفضل الانقلاب الناعم، ما تزيدش تتصرف بالبريكولاج كانك الملك المتوج!!! حتى النفسية الحرة تابى انها تتحايل على 217 بـ 21 ! وتتصدر بيها وتزيد تتجاهل الأصل البرلماني والأغلبية البرلمانية. والعقل والمنطق يقول إذا تنطرت في بقعة صاحب الدار بحركة بهلاوانية، ساعاتها تولي صفر ثقافة سياسية كي تبدا تستفز فيه وتهين فيه بالأرصدة متاعو!!!!
وعلاش قلنا عبو ما يعرفش السياسية، لانو يستفز في الاغلبية، ويستعمل في البريكولاج الديمقراطي باش يتجاوز ويميع الاصل الديمقراطي وهذا معروف وين باش يوصلنا!!!
هاو من الان، نشدوها على بعضنا! إذا تواصل سلوك التغول بالبريكولاج الديمقراطي، فان البلاد ستكون على موعد مع انتخابات مبكرة، في أقصى آجالها لن تتجاوز ديسمبر2020 الى جانفي 2012 .
"تأكدوا من حاجة، أنا ورئيس الحكومة متفقين في موضوع مقاومة الفساد، الناس الكل دون استثناء، وزيرة العدل عندها نفس التوجه وزير الداخلية عندو نفس التوجه". محمد عبو في برنامج 50/50 على قناة قرطاج+، 18 جوان 2020.
محمد عبو عندو اشكالية عويصة، يحب يحقق أشياء كبيرة بآفاق صغيرة، ما عندوش رؤية السياسي ، وحديثو اقرب للتقني الفني الجاف منو لرجل السياسة، والا كيفاش يتحدث على انو هو والفخفاخ متفاهمين ومعاهم زوز وزراء!!! أي والبقية، عسكر كردونة تبعثولهم الفاتورة يصححوا ويخلصوا!
الي يحب يتكلم باللغة الاحتكارية هذي، يلزمو يشمر على ذراعو ويجيب من 60% الى 90% من مقاعد البرلمان وبعد يقول راني انا وفلان قررنا!!! في حين السيد محمد عبو يعرف مليح الي هو وسي فلان وزوز فلانات اخرين، عندهم مجموعين 21 مقعد من مقاعد البرلمان، من جملة 217!!!!!!!!!
علاش قلنا محمد عبو تاعب سياسيا، لانو القيام بعملية التفافية في ظهر النتائج، وتفكيك الصريح الدستوري والذهاب الى البريكولاج الدستوري، ومن بعد تزيد تم عملية ثنائية "عبو- فخفاخ" تبتدع منصب وزير أول او ما يقاربه لنصبح أمام رئيس حكومة ووزير أول، ثم وقت لتمر التوليفة من الخرم ويتم تقنينها باللصاق والبزاق والغيرة والسكوتش.. يعتقد أصحابها أنهم بفضل الفهلوة والشطارة والتكنبيص من خارج لغة الصناديق قادرين على تقنين التغول ومن ثم فرض هيبة التغول وتجاهل هيبة الصناديق وبالتالي تجاهل الديمقراطية في تضاريسها الكبرى والاكتفاء بالتعويل على البريكولاج والتحايل الديمقراطي!
انت كي قدر ربي وعملت لعبة في ظهر النتائج، وقننت روحك بفضل الانقلاب الناعم، ما تزيدش تتصرف بالبريكولاج كانك الملك المتوج!!! حتى النفسية الحرة تابى انها تتحايل على 217 بـ 21 ! وتتصدر بيها وتزيد تتجاهل الأصل البرلماني والأغلبية البرلمانية. والعقل والمنطق يقول إذا تنطرت في بقعة صاحب الدار بحركة بهلاوانية، ساعاتها تولي صفر ثقافة سياسية كي تبدا تستفز فيه وتهين فيه بالأرصدة متاعو!!!!
وعلاش قلنا عبو ما يعرفش السياسية، لانو يستفز في الاغلبية، ويستعمل في البريكولاج الديمقراطي باش يتجاوز ويميع الاصل الديمقراطي وهذا معروف وين باش يوصلنا!!!
هاو من الان، نشدوها على بعضنا! إذا تواصل سلوك التغول بالبريكولاج الديمقراطي، فان البلاد ستكون على موعد مع انتخابات مبكرة، في أقصى آجالها لن تتجاوز ديسمبر2020 الى جانفي 2012 .





Sherine - شيرين
Commentaires
0 de 0 commentaires pour l'article 205486