بربي قولوا لي !؟

Pixabay


بقلم / منجي باكير

الجماعة اللي تاخذ في 17 شهرية، اربعطاش والاّ حتى ثلطّاش شهرية و بونوات ماكلة ب11 دينار و منحة ( ذواقة ) ومنحة في كل مناسبة وكل عيد و تصييفة بلاش في تونس السياحية وغيرو من الأمتيازات المعلومة و الغير معلومة ،،،


قولوا لي ياخي هاذم أكثر وطنية و الاّ - يقربوا للوطن - أكثر من بقية الخلق ؟
ياخي في خدمهم قاعدين يبيضوا في الذهب ؟؟ يطلعوا في الصوارخ ؟
هوما اكثر انتاج وانتاجية من اللي حارقتهم الشموسات وواكلهم البرد و مشردين على عايلاتهم !؟؟

رانا ولاد بلاد ونعرفوا البير و غطاه ونعرفوا انتاج و انتاجية كل قطاع ،،، تي هاذم يمكن اقل تعب و اقل ريسك و اقل دُمار من برشا خدم ،،، القطاعات اللي هازا حمل البلاد اصحابها عايشين ع الروج و موش خالطين !
عيب يا دولة ، هذا لا هو عدل و لا انصاف ، هذا دُمَار أزرڨ ، الله يجازي السبب من اتحاد الخراب والفساد ...

Commentaires


2 de 2 commentaires pour l'article 205484

Mandhouj  (France)  |Vendredi 19 Juin 2020 à 12h 08m |           
هناك شركات عمومية، عبر النضالات العمال لهم أكثر من 13 و 14 شهرية مع امتيازات عدة ... الإشكال ليس هنا بالذات، لكن خاصة في النزيف للمال العام عبر السرقات و سوء التصرف ... وهي مليارات كثيرة. يلزم إستفاقة، و منوال حوكمة مسؤولة و أكثر شفافية و محاسبة .

BenMoussa  (Tunisia)  |Vendredi 19 Juin 2020 à 11h 08m |           
اي ادارة تونسية مهما كانت واينما تكون تشتغل وتقوم على 10 الى 15 في المائة من موظفيها
متفانون في عملهم مخلصون مثابرون لولاهم لانهارت الادارة منذ امد
اما البقية يكتفون بالحضور والتحلق والاحاديث والنشاط النقابي والمطالب لانفسهم والتدخلات لاولياء نعمهم